Hey everyone! You’re probably reading this because I shared the link for this article with you, or (more chances) forced you to read 🔫.
Roman Urdu feels cheap, sluggish, and non-professional, but to connect with the cores of your minds, I thought kisi aise andaz main baat karta hun jis main aap parhte hue ye na samjhen ke koi book parh rahe hain ya kisi mashoor writer ka article 😏.
Baat shuru karne se pehle bas ek cheez: Please is ko poora parhiyega aur ek baar jo steps is main likhe hue hain, unko follow zarur kijiyega. Agar maine aap se ye article share kiya hai, to that means aap un logon main se hain jinko main kuch samajhta hun aur I want ke ye baatein unhe pata hon.
Apne kabhi socha hay ke apki zindagi ka maqsad kia hay? Like kabhi apne socha ho ke, 'Yar I wanna be a doctor.' To like, Doctor ban gaye, aage kia? Ab koi kahega ke paise kamana... paise kama liye, phir kia? Matlab dekha jaye to agar kisi ki zindagi ka maqsad doctor banna hay, phir unka khwab to university complete hote hi poora hojayega ya, tootna hua to Inter ke baad entry tests main hi toot jayega. 🙂
Lekin kia aapne kabhi socha hay ke aisa kyun hay ke itne saare logon main, matlab in a massive population of 8.12 billion, sirf 193 log poori dunia ko lead karte hain (Prime Ministers & Presidents)? Itni bari bari companies main sirf ek banda company ka maalik ya majority share holder hota hay. Bari bari organizations main sirf ek ya zyada se zyada 3-4 founders hote hain. Aisa kyun hay? Matlab Allah kyun itne saare logon ka bojh ya unke decisions kisi ek par dependent kar dete hain? Aisa kia hota hay un logon ke andar ke Allah unko choose karte hain lead karne ke liye?
The answer is simple: Ambition.
Suppose ke main kehta hun mujhe doctor banna hay. Kabhi agar main akela baith kar, sheeshe ke samne khudko dekhun, apni ankhon main ankhein daal kar ghaur karun, ke Allah ne mujhe kitne complex system ke sath is dunia main bheja... Matlab 206 bones, perfectly aligned in a systematic manner. Kia sirf isliye ke main doctor ban ke mareezon ka ilaaj karta rahun? Matlab kia mera dimagh sirf itni capability rakhta hay? Ya phir kia meri life aaj jis point par khari hay, jis stage par khari hay, kia ye sab filmon jaisi kahaniyan, controversies jis sab se main guzra hun... kia ye sab be-maqsad tha?
Okay, now if I'm talking about Islam, I'm not talking about just religious practices like namaz, roza, hajj, zakat. Is sab ki tableegh masjidon main baithe Imam pichle hazar saalon se karte chale arahe hain.
Lekin zara sochein ke kia Allah ne humein, Musalmanon ko, ya insanon ko “Mighty Creatures” ka title kyun diya hay? Wo konsi cheez hay jo humein Mighty hone ke qabil banati hay? Intellect.
Human Beings are the only intelligent beings in this universe, jinke paas choice hay to choose between the good and bad. I'm talking about the Vision, the Mission jo apki zindagi ka hay… Kia socha aapne?
- Doctor banke uske baad patients ko heal karna? Vision too bad, saw good in you!
- Engineer ban ke Google / Microsoft main job achieve karna? Vision too bad, saw good in you!
- Businessman ban kar paise kamana aur luxury life jeena? ... Saw good in you!
To phir kia hona chahiye apki zindagi ka maqsad? Mere khayal se main is qabil nahi ke main bataun apko ke apka maqsad kia hona chahiye. Bas Allama Muhammad Iqbal ke is shair ko zara ghaur se parhein aur samajhne ki koshish karein:
میں اس لیے مسلماں، میں اسی لیے نمازی
Ab for God’s sake, Deen ko namaz, roza, hajj, zakat tak mehdood mat kijiyega. Ye sab to apki spiritual purification ke liye hain. Lekin Allah taala ne apko sirf spiritual syllabus nahi diya, balke Islam is a complete conduct of life. Is main agar aap ghaur karein to apko Engineering se lekar Medical ki field tak, ya if we go deeper, philosophy, art, science, har field ke andar apko us knowledge ko kaise utilize karna hay aur uska istemal Aqamat-e-Deen ke liye karna hay, uski guidance milti hay aur bohot detail main milti hay.
Let’s go a bit controversial: Allama Iqbal khud 5 waqt ke namazi the? Ab hum unko itna low IQ nahi samajhte ke wo kisi ko wo kaam karne ko kahenge jo wo khud nahi karte the. Phir wo kis deen ki baat kar rahe the? Unhon ne apni poetry (A form of art) ko kis maqsad ke peeche, Islam ke liye sarf kiya? Agar upar likhe shair par aap ghaur karein, to deen ki sarfarazi se murad namazi hona ya musalman hona nahi bataya ja raha, balke ye bataya ja raha hay ke namazi hone aur Muslim being hone ki wajah ye hay ke one has to do Deen ki sarfarazi, Deen ki Aqamat.
(P.S: If you’re reading this until now, DM me and I’ll buy you an ice cream!)
Ambitious, Intellectual, Artists, Innovative, Creative people are rare. Aur jab in rare logon ko dhoond dhoond kar kisi ek mission ke upar laga diya jaye, to phir wo kaam hote hain jo history witness karti hay.
Hum log western philosophy main itna maghloob ho chuke hain ke paise kamane jaisi choti choti cheezein humein zindagi ka maqsad lagne lag gayi hain. Jabke Allah ki zaat itni buland hay, wo bhala kisi makhlooq ko Ashraf-ul-Makhlooqat ka title de sirf isliye ke wo khud se banaye kuch noton ka malik ho? Ya uska koi bank balance ho? Wo bank balance jo bank ki poori daulat ya is dunia ki daulat jama kar li jaye to uske liye khaak ke barabar bhi nahi... lekin aap uske liye, uski taraf se Ashraf-ul-Makhlooqat hain.
The answer to all of this, jo maine samjha hay, wo to yahi hay ke aap zindagi ke kisi bhi field main hon, science, art, philosophy, music, or anything, aap usko Islam ke liye use karein. Islamic hone ka matlab ye nahi ke aap white uniform pehan lein, sar par topi, toothbrush ki jagah miswak, aur ankhon main surma. Ye sab kuch apki zaat tak wabasta hay. Asal cheez jo matter karti hay ke kia Allah ne apke dimagh ko, apko jo capabilities di hain, aap uska shukar ada karke usko maximum way main utilize kar rahe hain?
Example: I have the capability to organize a HackClub event, lekin phir bhi main prefer karun ke mujhe bas sukoon se parhayi karni hay aur raat ko reels dekhni hain, to iska matlab I’m wasting the potential given to me by Allah, aur iska mujhe jawab dena hoga. Allah Huqooq-ullah maaf kar denge lekin Huqooq-ul-Ibad nahi. Jaise Campfire organize na karta to aaj meri wajah se jin logon ki jaan pehchan hui, jin logon ko mauqa mila ke wo koi bara kaam kar saken, wo mere Campfire organize na karne se na ho pata. Phir un sab logon ka main jawab deta ke: "Ya Allah, maine apne andar potential hote hue bhi wo kaam nahi kiya aur uski wajah se bohot se log jo technology ki dunia main tera kaam kar sakte the, unko mauqa nahi mila."
The Point is: Apne aap ko pehchanein. A human being is a miracle. Hum bare bare kaam kar sakte hain. Khaas taur par agar apko maine ye article bheja hay to phir to aapke andar maine potential dekha hay tab hi ye baat ki.
Baat lambi ho gayi, jaldi se summarize karte hain. Ek choti si activity (Jo I really want ke aap karein):
Aap ne aaj hi raat ko khamoshi main, apne kamre main bilkul akele, sheeshe ke samne baithna hay. Mind ko bilkul khali rakhein har tarhan ke stress, tension, negativity ya even positivity se. Aur apni ankhon main ankhein daal kar zara sochein:
"Ke agar mujhe pata lag jaye ke aaj se 6 din baad meri death ho jayegi, to kia jo kaam main aaj kar raha hun, meri Akhirat kamiyab ho jayegi? Kia agar main aise mar jaunga is halat main, to kia meri wajah se is dunia main koi value addition hogi? Meri wajah se kisi ki life main koi faraq ayega? Aur agar nahi ayega... to kia mere andar potential nahi tha ke main ye kar sakta tha, ke jab main is dunia se jaun to mujhe naslein yaad rakhein?"
That’s it. Tab bhi agar apko jawab na mile, another ice cream for you here. 🍦
Maine to 6 din ka kaha, maut ka to kuch pata nahi ke abhi ajaye. Main ye article likhte waqt mar jaun, ya kuch bhi ho jaye. Apni zindagi ka maqsad talash karein, kyunke aap aam nahi hain.
Or agar aap Pakistani hain, to aapke liye aapke nation ke founder aur Allama Iqbal se barh kar koi mentor nahi ho sakta. Zindagi ko guzarne ka maqsad unhon ne apne is shair main poori tarah samjha diya hay:
گلستاں اور بھی ہیں، زماں اور بھی ہیں
تو شاہیں ہے، پرواز ہے کام تیرا
ترے سامنے آسماں اور بھی ہیں